Baucau: Kinta 11 Setembru 2025, Sua Exelênsia Prezidente Autoriadade Munisipál Baucau, Dra. Veneranda E.M. Lemos Martins, akompaña husi Chefe Gabinete Cesaltina M. J. Rego, Asesores Jurídiku, Representante Komadante Jerál da PNTL, Prezidente AES-PNTL, Prezidente CMCLN, Parseriu TAF, Komadante Forsa Komponente Terestre Baucau, Chefe Diresaun Pol-Kom nasionál inklui mos Prezidente Asosiasaun Futebool Baucau.
Partisipa Iha Enseramentu jogu Desportiva Komunitaria Futsal feto ba Estudantes Nivél Sekundária Munisipiu Baucau, Desportu Komunitária Ne’e Nu’udar Parte Ida Husi Atividade Prevensaun Konflitu Ne’ebé Organiza Husi Polisia Komunitária No Hetan Apoiu Husi Parseriu Fundasaun Asia (TAF) Timor-Leste Ne’ebé Maka Hahu Abertura iha Loron 25 Agostu 2025, Enseramentu ne’e iha kampu BOP Compaña Bravo Baucau.
Prezidente Autoriadade Munisipiu Dra. Veneranda E. M. Lemos Martins hateten ohin ita bele haree iha finál oinsa maka feto sira bele hatudu sira-nia abilidade iha desportu ho kualidade iha kampu laran furak tebes e ami observa husi liur haree ona jogadores ida ne’ebé maka di’ak maibé ita boot sira-nia formadór, treinadór sira no asosiasaun futebol mak sei hatene oinsa maka atu halo selesaun ba kada ekipa, “Ha’u mós hato’o parabéns ba manan nain sira hotu, labele triste, lakon ka manan ne’e laos kestaun importante mak hatudu ita-nia Jogu ho kualidade ha’u kontente tebes haree alin feto sira ne’ebé mak hatudu jogu kapas tebes iha kampu laran” hateten SE PAM Baucau.
SE PAM Husu mos ba Profesores no treinadór hotu atu akompaña nafatin Alin feto sira hodi hatudu jogu di’ak liutan no hein katak asosiasaun federasaun futebol bele organiza fila fali selesaun ne’ebé di’ak husi ekipa sira hotu laos de’it ida ne’ebé mak manan maibe ekipa sira hotu ne’ebé mak aprezenta jogu iha kampu laran hodi hili ida ida ne’ebé mak jogu di’ak hodi kompete iha nasionál hodi hatudu katak Baucau iha ekipa munisipiu ne’ebé mak forte no di’ak.
“Hanesan Prezidente Autoriadade sei komunika ba munisipiu sira seluk atu Prezidente Autoriadade sira seluk bele kria situasaun ne’ebé kondunsivu nune’e bele konvida ita ba joga entre munisipiu ida hasoru munisipiu seluk, Autoriadade sei planu hodi kria mekanizmu hamutuk ho asosiasaun federasaun, F-FDTL nomos PNTL”
Iha jogu finál ne’e entre ESG 01 Baucau no ESG Paralelo Bercoli e Venilale. Liuhosi jogu ne’e ekipa ESG 01 Baucau sai primeiru vensedor ba jogu ne’e ho rezultadu 4 -2, no ESG paralelo Bercoli e Venilale mak segundu Vensedor, ETI mak Sai Terseira Vensedor ikus liu ESSA Quartu Vensedor.
Fonte Notísia : https://www.facebook.com/share/p/14G21GRagTy/
Leave a Reply