Uluk nanain hau hato’o agredesementu ba Aman Maromak tamba ho Espíritu Maromak nian hau bele hala’o atividade no bele hato’o liafuan ruma nebe’e relasiona ho utilizasaun Jornál Parede Dijitál iha ami nia Escola Secundária Geral Número 01 Baucau.
Iha ne’e mós hau agradese ba Ministerio Edukasaun ne’ebé servisu hamutuk SECOMS hodi hili ona ami nia eskola atu autoliza plataforma website eskola nian, no la haluha agradese mós SECOMS ho xefe departamentu ICT ho nia ekipa sira hodi kria plataforma Jornál Parede Dijitál hodi autoriza informasaun kona-ba atividade sira ne’ebé hala’o iha eskola no fahe mós informasaun balun hodi estudante no manorin na’in sira bele asesu konaba atividade ne’ebé eskola hala’o.
Ho plataforma website ida-ne’e ami nia eskola mós hetan oportunidade hanesan pasu ida importante ba estudante sira no ba manorin sira hodi utiliza atu tau informasaun kona-ba atividade ne’ebé estudante sira hala’o iha eskola ligadu ho progresu estudu estudante sira iha prosesu aprendizajen iha Escola Secundária Geral Número 01 Baucau.
Objetivu husi plataforma website hanesan meius importante ida hodi hato’o informasaun kona-ba planu atividade anuál no trimestral ne’ebé durante eskola hala’o hodi ema hotu bele asesu liu husi website eskola nian.
Estevão Ximenes Gusmão, L.Ed